Nýtt íblöndunarefni frá Lallemand á markaðinn
Nú er heyskapur að fara í gang og því að mörgu að huga.
Eitt af því er varðveisla heyfengsins yfir vetrartímann.
Á hverju ári fer mikil vinna í heyskapinn og því mikilvægt að uppskeran heppnist vel og að heyið sé næringarríkt og kjarngott, enda er það undirstaða góðs árangurs í framleiðslu, bæði hvað varðar bætt nyt og meiri gæði afurða.
Til þess að tryggja heygæði eru ýmis ráð, en eitt sterkasta vopnið gegn myglu og gersveppamyndun í vothey eru íblöndunarefnin.
Fyrirtækið Lallemand í Kanada hefur framleitt íblöndunarefni í fremstu röð um árabil og er nú að setja á markaðinn nýtt íblöndunarefni fyrir vothey sem ber heitið MAGNIVA Platinum 2.
MAGNIVA Platinum 2 markar ný viðmið þegar kemur að gerjun og loftfirrtum stöðugleika í orkuríku votheyi, þar sem hinn einstæði, einkaleyfisskyldi bakteríustofn, Lactobacillus hilgardii CNCM I-4785, er hagnýttur.
Í sameiningu við bakteríustofninn L. Buchneri NCIMP 40788, flýtir efnið verulega verkun sem er einkar gagnlegt þegar þörf er á að gefa af nýrri uppskeru fljótlega eftir slátt og til að tryggja stöðugleika og lágmarka skemmdir fóðurs á fóðurgangi.
Helstu kostir MP2 eru eftirfarandi:
• Lægra sýrustig
• Minna þurrefnistap vegna skemmda og hitnunar
• Minni gersveppamyndun og mygla
• Bætt fóðurnýtin
Efnið er væntanlegt til landsins fljótlega í næstu viku og ættu viðskiptavinir að geta nálgast það í öllum verslunum Líflands en einnig er hægt að fá nánari upplýsingar um það hjá söluráðgjöfum okkar í síma 540-1100 eða á fodur@lifland.is.
Annars óskum við ykkur góðs gengis í heyskapnum og minnum á að við erum við símann og erum alltaf til í að heyra í ykkur hljóðið ef þörf er á ráðgjöf eða öðrum upplýsingum varðandi vörurnar okkar.