Lífland leggur mikla áherslu á gæðamál í öllum deildum fyrirtækisins. Það er stefna Líflands að tryggja viðskiptavinum sínum að vörur og þjónusta fyrirtækisins uppfylli væntingar og þarfir þeirra hvað varðar gæði, öryggi, afgreiðslu og samkeppnishæft verð.

Fyrirtækið uppfyllir allar opinberar kröfur sem gilda um reksturinn hverju sinni og veitir starfsfólki þá þjálfun sem nauðsynleg er.

Gæðakerfið í verksmiðjum Líflands byggir á HACCP eftirlitskerfinu (Hazard analysis and critical control points). Í því kerfi eru skilgreindir þeir staðir sem mestu máli skipta varðandi framleiðsluna auk réttra viðbragða við frávikum. Innra eftirliti með HACCP er ætlað að draga úr eða koma í veg fyrir hættur sem geta skapast við framleiðslu og dreifingu á fóðri og mjöli og stuðla þannig að öryggi vörunnar. Hjá Líflandi er starfandi HACCP hópur eða gæðaráð undir stjórn gæðastjóra sem sér um innra eftirlit fyrirtækisins.
Lífland verslar aðeins við viðurkennda birgja og gerir miklar kröfur til þeirra, bæði hvað varðar gæði hráefnis og öryggi við flutning.

Öflugt meindýraeftirlit er í báðum verksmiðjunum og viðunandi ráðstafanir fyrir hendi með tilliti til þess. Öllu sorpi sem fellur til við framleiðsluna er fargað af viðurkenndum aðilum.