Það er hún Elenora Rós bakari sem kemur með uppskrift að ljúffengum Kornax vatnsdeigsbollum þetta árið í tveimur útfærslum: Bragðarefurinn og Ostakökubollan. 

Vatnsdeigsbollur

1. Byrjið á að hita mjólkina, vatnið, smjörið og sykurinn upp að suðu.
2. Bætið hveitinu saman við og hrærið stanslaust þar til filma myndast á botninum á pottinum og deigkúla fer að myndast úr deiginu. Mikilvægt er að nota brauðhveiti svo bollurnar falli ekki og haldi formi. Deigið á að losna vel frá hliðum pottsins þegar það er tilbúið.
3. Færið deigið í hrærivélaskál og hrærið þar til deigið er orðið volgt og þið getið snert það án þess að finna hita.
4. Hrærið saman eggin og saltið til að brjóta upp eggin og blanda þeim vel saman við saltið.
5. Bætið eggjunum saman við í nokkrum skömmtum og hrærið vel inn á milli. Hrærið þar til deigið er ekki lengur stíft en heldur þó enn þá formi. Þegar það lekur af sleifinni í einskonar V formi þá er það tilbúið.
6. Sprautið deiginu á pappírsklædda plötu með góðu millibili.
7. Stillið ofninn á 220*C. Þegar ofninn er tilbúin eru bollurnar settar inn í ofninn og hitinn lækkaður í 190*C í 15 mínútur. Eftir 15 mínútur er hitinn lækkaður í 170*C og bakaðar áfram í 15-20 mínútur eða þar til þær eru gullinbrúnar og búnar að mynda góða skorpu að utan.

Bragðarefurinn

• 1 pakki kókosbollur
• 1 pakki fersk ber t.d. jarðaber eða hindber
• 1 poki lakkrískurl
• 1 krukka af nutella
• 500 ml þeyttur rjómi

1. Byrjið á að blanda saman þeyttum rjóma og kókosbollum.
2. Skerið bollurnar í tvennt og smyrjið Nutella á lokið á bollunum.
3. Skerið næst hindberin.
4. Fyllið bolluna með kókosbollurjóma, freskum berjum og stráið lakkrískurli yfir.
5. Lokið bollunni og skreytið fallega.
6. Skerið niður jarðarberin.

Ostakökubollan:

• 1 krukka berjasulta að eigin vali
• 300 ml rjómi
• 225 gr mascarpone rjómaostur
• 86 g flórsykur
• Biscoff kex

1. Byrjið á að þeyta saman rjóma, flórsykur, mascarpone rjómaost ogg flórsykur þar til blandan er stífþeytt.
2. Myljið næst kexið smátt.
3. Skerið bollurnar í sundur og byrjið á að setja sultu í botninn á bollunni.
4. Setjið rjómann fallega á bolluna og stráið kexinu yfir rjómann.
5. Lokið bollunni og stráið flórsykri yfir bolluna til skrauts.