Í frjóa jörð...
Lífland hefur um langt árabil verið í fararbroddi þegar kemur að úrvali sáðvöru sem gefið hefur góða raun við íslenskar aðstæður. Við bjóðum upp á gæðavöru, m.a. frá Lantmännen í Svíþjóð og Boreal í Finnlandi en þessi fyrirtæki eru leiðandi á sínum sviðum og hafa að markvissum kynbótum á nytjaplöntum fyrir norðlægar aðstæður. Lífland hefur notið góðs af samstarfi við sérfræðinga þessara fyrirtækja við þróun á vöruúrvalinu. Auk þess tekur sáðvöruúrval Líflands að stóru leyti mið af þeim yrkjum sem gefið hafa besta raun í yrkjatilraunum Landbúnaðarháskóla Íslands og hefur fyrirtækið átt gott samstarf við helstu fræðimenn landsins á sviði jarðræktartilrauna. Eins hefur verið leitast eftir því að eiga gott samstarf við bændur sem hafa hug á því að reyna ræktun nýrra tegunda og yrkja.
Gott yfirlit yfir vöruúrvalið
Líkt og mörg undangengin ár sendum við nú út yfirgripsmikinn vörulista yfir sáðvörur fyrir bændur. Nú hefur ítarlegri umfjöllun um lykilvöruflokkana og helstu eiginleika þeirra verið bætt við og ætti það að auðvelda valið.
Við hvetjum viðskiptavini og aðra bændur til þess að kynna sér úrvalið hjá okkur sem stutt er með góðri ráðgjöf, hagstæðum kjörum og skilvirkri dreifingu. Eins býður Lífland fría dreifingu hvert á land sem er sé pantað fyrir 15. apríl ef pöntuð eru 300 kg eða meira.
Hafðu samband við söluráðgjafa okkar
Kynntu þér landsins mesta úrval af sáðvöru í nýjum og veglegum sáðvörulista Líflands fyrir vorið 2025 og leitaðu ráða og tilboða hjá söluráðgjöfum okkar. Nánari upplýsingar er að finna á baksíðu vörulistans. Eins má finna ýmsar gagnlegar upplýsingar um sáðvöruúrvalið í vefverslun Líflands með því að smella hér.
Endursöluaðilar
Lífland er í góðu samstarfi við endursöluaðila á landsbyggðinni og hvetjum við viðskiptavini á þessum svæðum til að hafa samband við þá:
- Húnaþing vestra: Kaupfélag V-Húnvetninga (KVH), Hvammstanga
- Austurland: Verkstæði Svans, Finnsstöðum
- Vesturland: Kaupfélag Borgfirðinga (KB), Borgarnesi
>> SÁÐVÖRULISTI 2025 <<
Sáðvöruúrval Líflands 2025
Lífland leggur sem fyrr áherslu á að bjóða upp á gott og áreiðanlegt úrval af yrkjum nytjaplantna sem henta fyrir íslenskar aðstæður.
Nýjungar 2025
Logasmári – HEUSERS OSTSAAT
Einær, hraðsprottin smárategund sem hentar í grænfóðurblöndur og skjólsáningu í nýræktir. Fræið kemur forsmitað. Sjá í vefverslun.
Tvíraða bygg – MAIRE
Nýtt tvíraða yrki frá Boreal í Finnlandi. Þarf svipaða hitasummu og Arild. Gefur stórt korn sem getur hentað til ræktunar á maltbyggi en hentar einnig sem fóðurkorn. Sjá í vefverslun.
Vetrarrúgur – GRANAT
Vetrar- og sjúkdómaþolið vetrarrýgresisyrki sem hættir minna við legu en mörg önnur. Vetrarrúg má rækta fyrir snemmsprottna vorbeit, en rúgur hefur kraftmikinn vöxt fyrr en flest grös. Sjá í vefverslun.
Sumarhafrar – SCOTTY
Nýtt þýskt yrki sumarhafra til grænfóðuröflunar. Fremur hávaxið og uppskerumikið. Sjá í vefverslun.
Sumarrepja – HELGA
Snemmsprottin og afar lystug sumarrepja, laus við ólystug efnasambönd sem stundum draga úr átlyst. Sumarrepja hefur ekki fengist um árabil en kemur nú aftur í vöruval. Sjá í vefverslun.
Fóðurrófa – GOWRIE
Gulrófa sem hentar bæði til fóðurs og manneldis. Gefur mikla þurrefnisuppskeru pr. hektara og hefur góða mótstöðu bæði gegn kálæxlaveiki og mjöldögg. Sjá í vefverslun.
Kynntu þér landsins mesta úrval af sáðvöru í nýjum og efnismiklum sáðvörulista Líflands fyrir árið 2024 og í vefverslun okkar.
Leitaðu til starfsmanna í verslunum okkar eða til söludeildar og fáðu tilboð og ráðleggingar um val á réttu sáðvörunni í s. 540-1100, með því að leita beint til verslana á landsbyggðinni eða í sala@lifland.is.