Eddie peysan er fullkomin lausn fyrir hundinn í göngutúrinn eða heimavið. Hentar sérlega vel til að halda hita á hundinum og má nota sem hitalag undir regnkápu. Mjúkt flísefnið með Welltex® tækninni eykur þægindi og teygjuefnið á brjósti og kviði er með íofnu lontex® efninu. Tæknin endurkastar náttúrulegum hita hundsins og mýkir þar með vöðva og liði. Netaefni á hliðum eykur öndun og þægindi við hreyfingu. Endurskinsrendur á hliðum auka sýnileika.  

Í stærri stærðunum hefur peysan þægilegt netaefni á hliðunum fyrir aukin þægindi og hreyfanleika. 

Eddie er hönnuð fyrir meðalbreiðar til grannar hundategundir. Sé hundurinn breiður um brjóst og háls, veljið einni stærð stærri en lengdin segir til, til að peysan passi vel.  

Efni 1: 80% Polyester, 20% Polypropylene
Efni 2: 85% Polyester, 15% teygja

Með Welltex® og Iontex® tækni.

Halda þarf flíkinni hreinni til að hún virki sem best. Virku steinefnin sem gefa flíkinni sína sérstöku eiginleika eru ofin inn í efnið og ekki er hægt að þvo þau eða núa af. Fylgið ávallt þvottaleiðbeiningum á þvottamiða vörunnar.  

Vélþvottur við 40°C, á kerfi fyrir viðkvæman þvott. Notið mild þvottaefni. Þvoið ekki með mýkingar eða bleikiefnum. Setjið ekki í efnahreinsun. Strauið ekki. Látið þorna við stofuhita, má ekki fara í þurrkara. 

Hið einstaka Welltex keramikefni Back on Track hefur þann eiginleika að endurkasta hita. Efnið er samvirkni fornrar kínverskrar reynslu og nútíma tækni í hönnun vefnaðar. Þessi aðferð við linun sársauka var þróuð í Kína til forna þar sem notaðir voru hitaðir marmarasteinar á sára vöðva. Kínverjar notuðu sérstakan marmara með sérstökum málmoxíðum sem gerðu það að verkum að þeir linuðu sársauka. Málmoxíð endurkasta líkamshita og örva þar með blóðflæði og frumuvirkni. Vinsældir og efturspurn eftir þessum sérstaka marmara jókst hratt og hvatti kínverja til að líta til annarra leirtegunda sem einnig innihalda sömu málmoxíð. Þeir bökuðu þennan leir og formuðu í keramikplötur sem þeir gátu notað á svipaðan hátt og marmarasteinana. Með tímanum fundu þeir þær leirtegundir sem höfðu sömu áhrif og marmarinn. Þessar plötur hafa verið notaðar til að bræða fínt keramikduft í þræðina sem svo eru notaðir til að vefa Welltex efnið. Þetta þýðir að efnið hefur sömu áhrif og keramikplöturnar.

Vel skrásett er að innrauði hitinn eykur blóðflæði. Aukið blóðflæði minnktar vöðvaspennu og hefur fyrirbyggjandi áhrif. Notkun Back on Track varanna fyrir þjálfun og keppni hefur sannað gildi sitt sem mikilvægur liður í að koma í veg fyrir meiðsli. Mannfólk og dýr geisla líkamshita bæði við hvíld og hreyfingu og því má nota Back on Track vörurnar bæði á nóttunni og við þjálfun. Í hvíld er hitageislunin þó minni en þegar líkaminn er í vinnu. Þess vegna er er árangursríkast að nota vörurnar, bæði við hvíld og hreyfingu, á þau svæði sem útsettust eru fyrir meiðslum.  

Hvernig skal hefja notkun Back on Track vörunnar?

Það er mikilvægt að byrja hægt að nota vörurnar til þess að líkaminn venjist áhrifum þeirra. Notið vörurnar í mesta lagi í 4 tíma fyrstu 2 – 3 dagana. Ástæðan fyrir þessu er að sumir einstaklingar finna mikið fyrir áhrifum efnisins og geta fundið fyrir óþægindum. Í hestum og hundum geta óþægindin komið fram sem bólga. Þetta gerist vegna aukins blóðflæðis og er til merkis um að keramik efnið virkar vel á vöðvana. Fyrstu óþægindi eða bólga gætu gert vart við sig eftir aðeins nokkurra klukkustunda notkun. Hætta skal notkun vörunnar það sem eftir lifir þess dags og nota hana í smá skömmtum næstu daga til að líkaminn venjist áhrifunum.

Eftir kynningartímann má auka notkunartímann til allt að 8 tíma á dag og helst lengur. Jákvæð áhrif á stífa vöðva og liði sjást jafnvel eftir svo lítið sem klukkutíma notkun. Langvinnari vandamál geta þurft nokkurra daga notkun, allt að 10-20 daga, áður en ákjósanlegur árangur næst. Svo skal nota vörurnar eins og þér finnst virka best. Gott getur verið að nota vörurnar í einhven tíma og taka svo pásu, eða minnka hversdagslega notkun við hreyfingu eða til dæmis á nóttunni.