Knapamerkin eru flestum hestamönnum á Íslandi kunn en þetta stigskipta reiðkennslukerfi telur til fimm stiga bæði á íslensku og ensku.
Markmiðið með Knapamerkjunum er að stuðla að auknum áhuga á reiðmennsku og hestaíþróttum og auðvelda aðgengi, bæta þekkingu, meðferð og notkun á hestinum.
Höfundur bókanna er Helga Thoroddsen en Knapamerkin eru í umsjón og ábyrgð Háskólans á Hólum sem er jafnframt útgefandi námsefnisins. Knapamerkin eru frábær grunnur fyrir alla hestamenn til að byggja á og bæta sig. Bóklega efnið er líklega besta og viðamesta efnið sem til er um íslenska reiðmennsku og eykur
skilning á hestinum og reiðmennsku.

Í fimmta og síðasta hefti Knapamerkjanna er lögð áhersla á gangtegundir og þjálfun þeirra. Helstu atriði sem fjallað er um í heftinu:

• Saga reiðlistarinnar
• Þjálfunarlífeðlisfræði
• Gangtegundir og gangtegundaþjálfun
• Hringteymingar, teymingar og vinna við hönd
• Keppni á íslenskum hestum
• Blaðsíðufjöldi: 166.
• Höfundur: Helga Thoroddsen