Þegar gróffóður/hey er af ónógum gæðum, lítið viðbótar kjarnfóður er gefið eða þegar aukin þörf er á próteini (t.d. fyrir keppnishest eða eldri hest) fær hesturinn oft ekki nóg prótein úr fóðrinu til þess að mæta daglegri þörf. Pavo ProteinPlus opnar á þann möguleika að bæta eingöngu amínósýrum (próteini) við daglegt fóður. Með ProteinPlus má leiðrétta próteinskort í fóðri án þess að gera miklar breytingar á fóðruninni að öðru leyti.

Af hverju þurfa hestar nóg prótein?

Prótein eru byggð upp úr byggingareiningum, amínósýrum sem eru nauðsynlegar fyrir hvers kyns ferla í líkama dýra og manna. Prótein styrkja ónæmiskerfið, vöxt hófa og felds og endurnýjun fruma. Að auki eru prótein lykilatriði í vöðvaþroska og stýringu hormónabúskapar, þá sérstaklega þegar folöld og ræktunarhryssur eru annarsvegar. Prótein eru því ekki eingöngu mikilvæg fyrir vöðva heldur hafa þau hlutverk í almennu heilbrigði hests. 

Hvenær er ráðlegt að bæta próteini í fóðrið?

Gróffóðurgreiningar leiða oft í ljós ónóg prótein í heyi og oft nægir gróffóðrið ekki til viðhalds, sér í lagi þegar um er að ræða hest í mikilli notkun og enn síður hest í keppnisþjálfun eða fylfulla/mjólkandi hryssu. Próteinríkt kjarnfóður getur oft verið lausnin en oft leggja slíkar vörur til viðbætta orku, vítamín og steinefni sem hesturinn þarfnast ekki. Í slíkum tilfellum er hreinræktaður próteingjafi eins og ProteinPlus lausnin. 

• Hár styrkur gæðapróteina
• Bætiefni eingöngu til að rétta af próteinskort í fóðri
• Auðugt af lífsnauðsynlegum amínósýrum (þ.á.m. lýsín, meþíónín og þreónín)
• Styður almennt heilbrigði

Hentar vel í tengslum við:

• Lélegt gróffóður (lágt í próteini)
• Fóðrun án korns (grain free)
• Holdgrannir hestar sem fá nóg gróffóður
• Aukin þörf á próteini, t.d. fylfullar/mjólkandi merar, eldri hestar, keppnishestar, tryppi og hestar í bataferli
• Lélegt ástand felds og hófa

Greiningarþættir: Hráprótein 37,2%, hráfita 4%, hrátréni 10%, hráaska 9%, natríum 0,33%, meþíónín 25 mg/kg, lýsín 100 mg/kg, þreónín 55 mg/kg.