1. Hvað er Ketovit+?

• Ketovit+ er fóðurbætiefni frá Mervue Laboratories á Írlandi, sérstaklega þróað og blandað til að svara þörfum jórturdýra í súrdoðahættu/orkuskorti.
• Ketovit+ má nota sem hluta af fyrirbyggjandi inngripi og meðferð við klínískum og undirliggjandi súrdoða. 
• Ketovit+ má einnig nota í tilfellum fitulifrar og sem hluta af forvörn feitra gripa til að draga úr hættu á efnaskiptavandamálum, en eins og þekkt er eru holdugar kýr í meiri hættu á að glíma við orkuskort og tengda kvilla við burð. Mjög holdugar ær geta einnig glímt við hliðstæðan orkuskort.
• Ketovit+ var þróað af teymi dýralækna og fóðurfræðinga til að koma bæði til móts við þarfir dýralækna og bænda. 

2. Hverjir eru lykileiginleikar Ketovit+?

• Ketovit+ styður við myndun orkuefnisins glúkósa úr fituforða (glucogenesis), dregur úr niðurbroti þríglýseríðs (lípólýsu), styður við lækkun á ketónastyrk í blóði, styður  við starfssemi lifrar og átlystar. Það dregur úr súrdoðahættu og þróun fitulifrar í kúm. 

3. Hvenær ætti að nota Ketovit+?

• Þegar kýr glíma við súrdoða og sem hluta af viðbragði við honum.
• Þegar kýr glíma við undirliggjandi súrdoða og fitulifur.
• Sem hluta af fóðrun holdugra/feitra kúa fyrir burð, gripa sem eru í aukinni hættu á að þróa með sér súrdoða og fitulifur.
• Sem hluta af fóðrun gripa sem tapa holdum hratt fyrir burð, s.s. í tilfelli tvíkelfdra kúa eða gripa sem eru veikburða. 
• Sem hluta af fóðrun og umhirðu hjarða þar sem súrdoðatilfelli eru algeng, sem liður í fyrirbyggjandi inngripi og í samráði við dýralækni. 
• Sem orkugjafi fyrir gripi sem hafa veikst, lagt mikið af (t.d. vegna legbólgu eða júgurbólgu eftir burð).

4. Hvaða skammt ætti að gefa feitum kúm, tvíkelfdum kúm eða kúm sem tapa holdum hratt vegna undirliggjandi sjúkdóma?

• Ráðlagður skammtur er 200 ml á dag síðustu 5 daga fyrir burð.

5. Hvernig er Ketovit+ gefið?

• Ketovit+ er gefið um munn. Í kulda getur efnið verið seigfljótandi og má bæta í það lítilræði af vatni til þynningar til að auðvelda sprautun í munn. Ketovit+ má einnig dæla í kýr með tilheyrandi búnaði gerist þess þörf. 

6. Hefur Ketovit+ áhrif á mjólk og heilnæmi afurða?

• Ketovit+ er ekki lyfvirkt efni og hefur engin áhrif á mjólk eða kjöt og afurðir eru 100% öruggar til neyslu. 

Virkir innihaldsþættir:

• Forefni glúkósa: Efnasambönd sem styðja við glúkósaefnaskipti í lifur og draga úr þörf þess að sækja glýseról í fituvef í þetta sama ferli. Glúkósi er lykilorkuefni en fæst ekki beint úr fóðri. 
• Karnitín: Virkjar flutning fitusýra til hvatbera þar þær sem eru oxaðar og umbreytast í orkuefni. Þetta dregur úr uppsöfnun fituforða í lifur og dregur um leið úr þörfinni á niðurbroti fituvefjar. 
• Níasín: Hár styrkur níasíns styður við niðurbrot og efnaskipti ketóna. Hár styrkur ketóna er ástæða þess að kýr fá súrdoða. Vaxandi ketónastyrkur dregur úr átlyst og eykur hætta á öðrum efnaskiptatengdum sjúkdómum. 
• B-vítamín: Nytháir gripir hafa hátt stig efnaskipta. Viðbætt B-vítamín styðja við efnaskiptaferlin, starfsemi lifrar og örva átlyst. B12 gegnir hlutverki í myndun glúkósa. 
• E-vítamín: Andoxandi og dregur úr styrk frjálsra stakeinda (free radicals) sem myndast við niðurbrot fituvefjar og styður við ónæmiskerfið. 

Ráðlagður skammtur:

Nautgripir: 200 ml kvölds og morgna fyrsta daginn en síðan 100 ml tvisvar á dag í 3 daga.

Kindur og geitur: 100 ml á dag í 6 daga.

Varúð: Geymið þar sem börn ná ekki til. Eingöngu til gjafar um munn. Gefið ekki umfram ráðlagðan skammt.

Hristið vel fyrir notkun.

Geymsla: Geymið í upprunalegum, lokuðum umbúðum við minna en 25°C og á dimmum stað. 

Greiningarþættir: Raki 10%; hráprótein 1,0%; hráaska; 1,0%; hrátréni 1,0%; hráfita 1,0%; natríum 0%. Samsetning (grömm á lítra): Glýseról 600 g, mónó-própýlenglýkól 260 g.

Aukefni (pr. lítra): E-vítamín (Alfa-tókóferól) 1.000 mg, B1-vítamín (Þíamín) 180 mg, B2-vítamín (Ríbóflavín) 321 mg, B6-vítamín (Pýridoxín hýdróklóríð) 240 mg, B12-vítamín (Sýankóbalamín) 1200 mkg, níkótínsýra (Níasín) 10.000 mg, pantóþensýra 600 mg. Efnafræðilega vel skilgreind efni með svipaða líffræðilega virkni og vítamín: Karnitín 20.000 mg .